( ၄၈) ဒီဂဏာန်းက ဗမာတွေနဲ့မစိမ်းပါဘူး ဗမာပြည်ရဲ့ သမိုင်းနဲ့ချီပြီး ဆက်စပ်နေတဲ့ ဂဏာန်းဖြစ်သလို ထိုင်းနိုင်ငံနယ်စပ်ဒေသ (တာ့) ခရိုင်ဖုတ်ဖပ်မြို့နယ်ရဲ့ အရှေ့ဖျားယွန်းယွန်းမှာ (၄၈) ဆိုတဲ့ ထိုင်းရွာကလေးကလည်း ဗမာအများစု အခြေချရာ၊ မှီခိုရာ ရွာလေးဖြစ်နေပြန်ပါတယ်။
ဗမာလို ၄၈ ထိုင်းလိုတော့(စီစိပက်) လို့ အလွယ်ခေါ်နေကြတဲ့ ရွာကလေးရဲ့ ထိုင်းအမည်ရင်းက (ဘန့်လောန်ကောက်စဟာမစ် ) လို့အမည်ရပါတယ်။ (လေးဆယ့်ရှစ်) ဆိုတာက မဲ့ဆော့တ်မြို့ကနေ အကွာဝေးပြတဲ့ ကီလိ်ုမီတာမှတ်တိုင်ကို အစြွဲ့ပုပြီး အလွယ်တကူခေါ်တဲ့ ရွာနာမည်ပါ ။ ထိုင်းနိုင်ငံသားအဖြစ် အသိမှတ်ပြုခံရတဲ့ ရွာခံအများစုဟာ မြန်မာပြည်ဘက်ကရွှေ့  ပြောင်းလာကြတဲ့ မြန်မာတိုင်းရင်သားတွေဖြစ်တဲ့ ရှမ်း၊ လားဟူ၊ အခါ၊ အီကောနဲ့ ကရင် တိုင်းရင်းသားတွေဖြစ်နေပြန်ပါတယ်။ အဲဒီတိုင်းရင်းသားတွေအပြင် မြန်မာပြည်ဖွား တရုပ်လူမျိုးတွေလည်း ၄ ပုံ ၁ပုံလောက် ရှိနေပြန်ပါသေးတယ်။ ထိုင်းနိုင်ငံနယ်စပ် မြို့နယ်တွေထဲက ရွာငယ်လေးတွေထဲမှာတော့ ၄၈ က မြန်မာစကားအသုံးများတဲ့ ရွာကလေးတရွာပါ။
ရွာကလေးမှာကိုးကွယ်တဲ့ ဘာသာတရားတွေကတော့ ဗုဒ္ဓဘာသာ ခရစ်ယန်နဲ့ ရိုးရာနတ် ကိုးကွယ်မူတွေဖြစ်ပါတယ်။ သာသနိက အဆောက်အဦးတွေ ကတော့ မြန်မာ ဘုန်းတော်ကြီးကျောင်းတကျောင်း တရုပ်ဘုံကျောင်းတကျောင်း နဲ့ ခရစ်ယန် ဘုရားကျောင်း ၁၂ ခုရှိနေပါတယ်။ ကလေးသူငယ်တို့ရဲ့ ပညာရေးအတွက် မြန်မာစာသင်ကျောင်း တကျောင်း တရုပ်စာသင်ကျောင်း တကျောင်း နဲ့ ထိုင်းအလယ်တန်းအဆင့် ကျောင်းတကျောင်းရှိနေပါတယ် ။
ရွာကလေးရဲ့ အဓိကစီပွားရေးလုပ်ငန်းက စိုက်ပျိုးရေးလုပ်ငန်းဖြစ်ပါတယ် ရွာသိမ်ရွာငယ်လေးဖြစ်ပေမဲ့လို့လမ်းပန်းဆတ်သွယ်ရေးကောင်းမွန်တာကြောင့်ရွာကလေးရဲ့စီးပွားရေးဟာ လူတန်းစေ့၊ မြို့ ပြနဲ့ရင်ဘောင်တန်းနိုင်တဲ့အနေအထားမှာရှိပါတယ် ။ ဒါကတော့မြန်မာနိုင်ငံကျေးလက်ဒေသနဲ့ ထိုင်းကျေးလက်ဒေသရဲ့ ကွာဟမှုတွေထဲက တခုပါဘဲ။
ရွာကလေးကို ပုံကြမ်းကောက်ပြတဲ့အခါ ဗမာဆန်နေတာ တွေ့ရမှာ ဖြစ်သလို နောက်ခံသမိုင်းကိုပြောပြရင်တော့ အံအားသင့်စရာ ကောင်းလှတဲ့ မြန်မာပြည်နဲ့ ဆက်စပ်နေပုံတွေကိုလည်း သိလာကြရမှာဖြစ်ပါတယ်။
နောက်တပတ်မှာတော့ ရွာကလေးကိုပိုပြီးပြည့်စုံအောင် ပုံဖေါ်မိတ်ဆတ်ပေးပါဦးမယ်။
Subscribe to:
Post Comments (Atom)
စိတ်ဝင်စားမှုများနဲ့ စောင့်မျှော်နေပါတယ်..။
ReplyDelete